الثلاثاء، 23 فبراير 2010

قصتي في الباص!!




دواااام اول اسبوع ....
بين النوم والطالب يفتح الله
...
في الكلاس ماتدري الا راس اللي قدامك مال وغطى عليك السبوره... ولا ماتدري الا ذا اللي جنبك حط راسه على كتفك.....
وحتى النوم في الليل مايضبط .... يعني انواع الحلوم ونومة مقطعه وخياااااس وقلق .... وكل هذا من اول اسبوع
.....
===
جيت ذاك اليوم... مداوم وتوني لابس جينزي ولابس تي شيرت جديد
 <<<< جايتني من دبي ...شكرا خالي حمد

وطلعت من الغرفه عشان عندي كلاس لغة الكفار الانجليزي ....على ذا الصبح.... وانطلقت بخطواتي المتسحبه على الازفلت اللي هو احد مشتقات البترول... حتى وصلت الباصات اللي انا اعتبرها سريري الثاني....

ومن حظي صار الباص بارد جدا وعاد انا اول من ركب واروح في احد الزويا واندس ....واحط راسي على المرتبه اللي قدامي وانام
.... وطالت النومه شوي وتعمقت فيها... 

وتحرك الباص... عاد عدلت راسي ورحت وحطيته على القزازه وكملت نومي.... حتى خبط شي غريب كثيف الشعر كتفي لاتوقض وانا معصب بسببه... مطلقا اللعنات بيني وبين نفسي... لاشاهد هذا الكائن الذي افسد علي نومتي ...
وفجأة حولت اللعنات الى شي آخر...... وطارت عيناي فلم تصدق ماترى....

السبت، 13 فبراير 2010

ثلاث ايام وثلاث عقود!!!



خلال 3ايام مضت ... لسان حالي كثير ما ردد وقال في احد الرفاق:
ان القلب ليحزن ...وان القلب ليحن للقياه وان العين لتشتاااااق...
فعلا انا من الذين لديهم القدرة على التحمل ومقاوة نار الاشتياق...

ثلاث ايام مضت وانا افكر به بين مغيب واشراق....
فما اصعبه من فرااااق...
وهذا كلامي قد بلغك ....ووالله انه لمن الاعماق...

فالحمد للمنان الذي جعل بعد فراقي لك تلاق... وما اجمله من تلاق ...
هو سحر يجذبني ... هو شيء يحملني...لو بلغ بلاد الواق واق <<<< مدري وينها بس يقولون انها بافريقيا
حبه سكن في قلبي>>> فما اجمله من حب...... وما الذه من مذاااق....

========
بعد هذه المقدمة

الجمعة، 5 فبراير 2010

نوع جديد من الابداع :: فن الذبان

السلام عليكم
في يوم من الايام وانا اتجول بسفيتني في بحر الانترنت طحت في موقعين اجنبيين مليانين صور فقلت هذي الصيدة اللي ماتتكرر
فأنا اعدكم بكل فترة بموضوع صور اختاره لكم لاني وجدت في تلك المواقع المتعة واتمنى انكم تستمتعون بها هنا في مدونتي
طبعا انا ماافكر اني اخلي كل المدونه صور لأنه التغيير بالنسبة لي واجب !!
====
اليوم جايب لكم مبدع شكل ثاني

سمعنا عن ناس تتفنن لكن صراااحة شكل ثاني
يعني استخدام خامات طبيعية بشكل يفوق الخيال

fly fun 1
هذي الحمامات اللي في كورنيش الدمام وانتم بكرامه!!! كلام مخفي هون>>> ناس
وصخه الذباب انظف منه<<<

الأربعاء، 3 فبراير 2010

كنت مدمن!!



السلام عليكم ورحمة الله وبركاته
واخيرا انقلعت الاختبارات... بخيرها << ماكان فيها خير وبشرها
الحمد لله على كل حال ...
ولعلة يكون هذا السمستر اسوأ سمستر في حياتي الجامعية وعدى ان شاء الله .... والقادم .......؟!؟!؟!

فكرة تدوينتي هذي استقيتها من احد افكار صديقي المبدع وسيم عازب
============

الموضوع باختصار وماادري من وين ابدأ ....لكن .....نعم انا مدمن .... للأسف ولا بكل فخر ماادري!!

بكل تأكيد تمر بكل انسان ايام عصيبة تجبره على اشياء ماكان ودة يسويها....وبطبيعة الانسان الضعيف انه يبحث عن حلول تعالج له مشكلتو...
والهرب من الواقع... والتعلق بالامل....وكلها فترة وتعدي ...