كنت مدمن!!

السلام عليكم ورحمة الله وبركاته
واخيرا انقلعت الاختبارات... بخيرها << ماكان فيها خير وبشرها
الحمد لله على كل حال ...
ولعلة يكون هذا السمستر اسوأ سمستر في حياتي الجامعية وعدى ان شاء الله .... والقادم .......؟!؟!؟!
فكرة تدوينتي هذي استقيتها من احد افكار صديقي المبدع وسيم عازب
============

الموضوع باختصار وماادري من وين ابدأ ....لكن .....نعم انا مدمن .... للأسف ولا بكل فخر ماادري!!

بكل تأكيد تمر بكل انسان ايام عصيبة تجبره على اشياء ماكان ودة يسويها....وبطبيعة الانسان الضعيف انه يبحث عن حلول تعالج له مشكلتو...
والهرب من الواقع... والتعلق بالامل....وكلها فترة وتعدي ...



طبعا بحكم قرب الاختبارات كنت ادور عن شي يصك في الراس <<<وياليته نفع !!
كنت ادور عن شيء يخلي الواحد يذاكر ويفتح نفسة شوي انه يمسك الكتاب !!!
لقيت بعض الشباب ولقيت عندهم الحل... وقال لي واحد: خذ هذا الشيء انا مااقدر اذاكر الاوانا ماخذ لي منه الاسود
هذاك الوقت انا خفت لان شكل الاسود ضخم ومخيف ..... وماادري وش راح يكون طعمة وبديت افكر في مستقبلي
طبعا انا كنت بعيد عن اهلي .... ولااحد يدري عني ...
محتاج ادرس ... محتاج قهوة المغربية مع الاهل.... لكن ماكان فيه امل...
كلمت ابو الشباب وقال لي :"الاسود ممكن يضرك خذ لك من الابيض راح يصك في راسك"... ومن هنا بدأت رحلت ادماني ((وجه امي وهي مطيرة عيونها))
استمريت في البداية على حبه يوميا حتى حسيت اني محتاج اكثر وتضاعفت الجرعة
صرت مره انا اطلع اشتري...
ومرة اقل لخويي يشتري لي...
طبعا واجهتني ايام يكون فيني النوم ومااقدر اناااام لاني اكون توني ماخذ لي جرعه...
واستمرت الايام .... وطارت الدراهم... وبعض الايام تزيد الجرعة لتصبح وحده مع الفطور وحده مع الغداء وحدة مع العشاء....
وبدأت الاختبارات وصرت آخذ لي قبل الاختبار جرعه وبعدة وحدة....
وخلصت الاختبارات وجيت امسك خط الرياض....
جاني خويي قال لي مجنون تمسك الخط وانت مااخذت لك حبة .... وفعلا شريت لي وحده ومسكت الخط ...
كويس انه كانت فترة قبل الاختبارات ورجعت الرياض لاترك الادمان وارجع الى رشدي....

لحظة شوي

ادماني كان على الكوفي حق دانكن دونات..... والابيض هو الي مخفف بالحليب والاسود هو المرعب البلاك كوفي...
ورشدي هو اني رجعت لدلة القهوة .....
وهنا ارفق لكم بعض الصور من ادماني